Bere balio kultural, historiko, antropologiko, arkitektoniko eta sinbolikoek babestu beharreko euskal ondarearen elementu nagusi bihurtzen dute Igartubeiti baserria. Eraikinaren ezaugarriak (antzinatasuna eta lekukotasun bakarra izatea) eta baserriak ia osorik zituen jatorrizko egiturak zirela eta, Gipuzkoako Foru Aldundiak baserria berritzeko proiektua martxan jartzea erabaki zuen, XVII. mendean Igartubeiti baserriak zuen itxura berreskuratzeko.

Igartubeiti XVI. mende erdialdean eraiki zuten, eta euskal baserriaren Urrezko Aroaren adibide paregabea da. Igartubeiti baserria XVII. mende hasieran iritsi zen bere unerik onenera, bizimodu eta lan berriei egokitzeko zabaldu eta aldatu egin zutenetik. Jatorrizko egurrezko egitura bikain mantendu izanak eta barruan duen sagardo dolare handiak Euskal Herriko baserri interesgarrietarikoa bihurtzen dute Igartubeiti.

Barrutik, antzinako baserrien egiazko bizitza birsortzen duen museo bihurtu da eta, bertan, duela lau mende euskal baserria nolakoa zen jakin daiteke, zuzenean eta interferentziarik gabe: argirik ez, jatorrizko altzari eta tresnak, orduko usain gozo eta lurrina.

• Saria
• Oinarriak

• Lau lagunentzako sarrera Igartubeiti Baserri Museora.

• Saria

  Lau lagunentzako sarrera Igartubeiti Baserri Museora.

  Zozketan parte hartzeko epea

  Zozketa martxan egongo da 2017ko otsailaren 6tik martxoaren 2ra. Zozketa 2017ko martxoaren 3an egingo da.

  Parte hartzeko mekanismoa

  Parte hartzeko ezinbestekoa izango da Mugi txartelaren titularra izatea eta webgunean erregistratuta egotea. Pertsonako parte hartze bakarra onartuko da.

  Parte hartzaile guztien artean egingo da zozketa Sorteados erabiliz eta irabazle bat eta hiru ordezko izendatuko dira.

  Zozketaren ostean, irabazlearekin 15 eguneko epean jarriko gara harremanetan. Harremanetan jarri ezin bagara, sariari uko egiten badio edota harremanetan jarri ondorengo 15 egunetan erantzuten ez badu, lehenengo ordezkoarekin jarriko gara harremanetan.

  Zozketaren gardentasuna bermatzeko, irabazleen izenaren iniziala eta abizena argitaratuko dira. Ikusi pribatutasun politika.

  Sariaren erabilgarritasuna

  Saria zehatz-mehatz eman ezin den kasuetan, balio bereko edo gehiagoko beste sari bat emango da. Ezingo da inolaz ere saria esku-diruagatik trukatu.

  Oinarriak onartzea

  Zozketan parte hartze hutsak zuzenean baldintzak eta lege-oinarriak onartzea dakar.