Egin hegan txoriak bezala euskal kostaldean barrena, Barinatxeko hondartzaren (Sopela) gainetik, bi lagunentzako parapentean. Hasteko, ekipamendua eta parapentea jarriko dituzu, eta zure esperientzian lagunduko dizun adituak haren funtzionamenduari eta segurtasunari buruzko azalpenak emango dizkizu.

Hegaldian zehar parapentearen agintea hartuko duzu zuk zeuk gida dezazun, eta akrobazia batzuk ere egingo dituzu.

Zure hegaldiaren bideo bat grabatuko dugu, inoiz ahantzi ez dezazun. Ez ahaztu grabatzeko Micro SD txartel bat ekartzea, gutxienez 4GB-ko lekuarekin.

• Saria
• Oinarriak

• Hegaldia parapentean bi lagunentzat.

• Saria

  Hegaldia parapentean bi lagunentzat.

  Zozketan parte hartzeko epea

  Zozketa martxan egongo da 2017ko azaroaren 1etik 30era. Zozketa 2017ko abenduaren 1ean egingo da.

  Parte hartzeko mekanismoa

  Parte hartzeko ezinbestekoa izango da Mugi txartelaren titularra izatea eta webgunean erregistratuta egotea. Pertsonako parte hartze bakarra onartuko da.

  Parte hartzaile guztien artean egingo da zozketa Sorteados erabiliz eta irabazle bat eta hiru ordezko izendatuko dira.

  Zozketaren ostean, irabazlearekin 15 eguneko epean jarriko gara harremanetan. Harremanetan jarri ezin bagara, sariari uko egiten badio edota harremanetan jarri ondorengo 15 egunetan erantzuten ez badu, lehenengo ordezkoarekin jarriko gara harremanetan.

  Zozketaren gardentasuna bermatzeko, irabazleen izenaren iniziala eta abizena argitaratuko dira. Ikusi pribatutasun politika.

  Sariaren erabilgarritasuna

  Saria zehatz-mehatz eman ezin den kasuetan, balio bereko edo gehiagoko beste sari bat emango da. Ezingo da inolaz ere saria esku-diruagatik trukatu.

  Oinarriak onartzea

  Zozketan parte hartze hutsak zuzenean baldintzak eta lege-oinarriak onartzea dakar.